Қарағанды облысында түрме қызметкері азаптау ісімен сотталды

Қарағанды облысында түрме қызметкері азаптау ісі бойынша 2 жылға сотталды, деп хабарлайды Orda.kz. 

Облыстық прокуратураның мәліметінше, қылмыстық-атқару жүйесі департаментіне қарасты мекеменің режим бөлімі бастығының орынбасары сотталды. Арнайы ауданаралық қылмыстық істер жөніндегі соттың үкімі бойынша, айыпталушы сотталған адамға азаптау жасағаны үшін кінәлі деп танылды. 

«Қызметкер қылмыстық кодекстің 146-бабының 2-бөлігі бойынша кінәлі деп танылып, 2 жылға бас бостандығынан айырылды. Сонымен қатар, оған 3 жыл бойы мемлекеттік қызмет пен құқық қорғау органдарында жұмыс істеуге тыйым салынды. Сотталған азаматтан «әділет майоры» арнайы атағы алынып, жәбірленушілерге өтемақы қоры есебіне айыппұл төлеу міндеттелді», делінген баспасөз түсіндірмесінде.