Қарағанды облысында полицейдің қатысы бар жол-көлік оқиғасында мотоциклші қаза тапты

Қарағанды облысында болған жол-көлік оқиғасы кезінде мотоциклші қаза тапты, деп хабарлайды Orda.kz.

«Қарағанды қаласынан Алматыға шығатын автожолда Қарағанды облысы полиция департаментінің патрульдік автокөлігі мен Алматыға қарай бір бағытта келе жатқан мотоциклдің қатысуымен жол-көлік оқиғасы орын алды»,  деп хабарлайды Қарағанды облысының ІІД. 

Қаза тапқан мотоциклші 42 жастағы азамат. Ол оқиға орнында қайтыс болды.

Әлеуметтік желілерде оның Балқашқа қарай бара жатқаны хабарланған.

Қазіргі уақытта оқиға орнында жедел-тергеу тобы жұмыс істеуде. Тергеу жүргізіліп жатыр. Басқа егжей-тегжейді полиция хабарламады.