Қарағанды облысында нәрестені далаға тастап кеткен ер адам мен әйел ұсталды

Полиция қызметкерлері жас нәрестені далада тастап кетті деген күдікке ілінген 29 жастағы ер адам мен 22 жастағы әйелді ұстады. 

Қарағанды облыстық полиция департаменті бастығының орынбасары Ернат Қалиақпаровтың айтуынша, қазіргі уақытта оқиғаның толық мән-жайы анықталып жатыр.

Өзге ақпарат тергеу құпиясына сәйкес жарияланбады. 

Айта кетейік, бұған дейін Қарағандыда полиция тастанды нәрестенің анасына іздеу салған еді. Жедел басқару орталығына ер азамат қоңырау шалып, Оңтүстік-шығыс ауданындағы көпқабатты үйлердің бірінің дәлізінде жас нәресте жатқаны туралы хабарлаған. Аталған дерек бойынша қылмыстық іс қозғалды.