Қарағанды облысында ХҚКО-ның бұрынғы басшысы мен орынбасары ұсталды

Қарағанды облысында жүк көліктерін заңсыз тіркеу фактісі анықталды, деп хабарлайды Orda.kz. 

Қаржылық мониторинг агенттігінің мәліметінше, заңсыздық салдарынан жергілікті бюджетке 315 млн теңгеден астам төлем түспеген.

Олар осылай 33 жүк көлігін заңсыз бастапқы тіркеуден өткізген. 

Күдікті ретінде мамандандырылған ХҚКО-ның бұрынғы басшысы және ХҚКО басшысының орынбасары ұсталды. Күдіктілердің 42 млн теңге көлеміндегі  мүлкіне тыйым салынды.

Қазіргі уақытта сотқа дейінгі тергеу жүргізіліп жатыр.