Қарағанды облысында дүкен жарылып, адамдар үйінді астында қалды

ТЖМ бүгін таңертең екі қабатты дүкен ғимаратында газ жарылғаны жөнінде шұғыл ақпарат таратты, деп хабарлайды Orda.kz порталы.

Ведомствоның хабарлауынша, 15 ақпанда сағат таңғы 08.06-да Теміртау қаласындағы Ватутин көшесінде орналасқан екі қабатты дүкен ғимаратында газ жарылғаны туралы хабарлама келіп түскен. Дүкен жанып жатқан.

«Зерттеу және барлау барысында зардап шеккендер орналасқан жері алдын-ала анықталды. Жұмысқа ТЖД жеке құрамынан 17 адам, 5 техника қатыстырылды. 23 адам, оның ішінде 5 техника оқиға орнына бара жатыр» делінген хабарламада. 

Сағат 08.44-де үйінді астынан әйел адам шығарылған (жағдайы нақтылануда), оның айтуына қарағанда үйінді астында тағы бір ер адам бар. Іздестіру әлі де жалғасып жатыр.