Қарағанды облысында балаларының көзінше әйелін өлтірген кісіге қатысты ПД пікір білдірді

Ведомство адам өлтіру дерегі бойынша қылмыстық іс қозғалғанын мәлімдеді, деп хабарлайды Orda.kz.

«Айта кетейік, ерлі-зайыптылар ажырасқан, бірақ бірге тұрған. Соңғы полиция шақыруы екі жылдан астам уақыт бұрын 2022 жылдың қаңтарында болған. Кісі өлтірілген күні, 25 сәуірде сағат 18:30-да оның қызы полицияға ата-анасының қаржылық қиындықтарға байланысты жанжалдасып жатқаны туралы шағымданған.
Полицейлер келгенде ерлі-зайыптылар шай ішіп отырған. Әйелі тарапынан күйеуін үйден шығару туралы талаптар болған жоқ. Ер адамға қатысты әкімшілік хаттама толтырылып, қорғау нұсқамасы және сотқа келу туралы хабарлама берілді. Көршілердің айтуынша, бұған дейін ешқандай жанжал болмаған» деді Қарағанды ​​облыстық ПД  баспасөз қызметі.

Еске салсақ, 25 сәуірде Қарағандыда 52 жастағы әйелді бұрынғы күйеуі бірнеше жерден пышақтап тастаған.  

Кісі өлтірілген күні мас ер адам төбелес шығарып, күш көрсетіп,  қорқытқан. Ерлі-зайыптылардың 14 жасар ұлы полицияға хабарласқан. Қызметкерлер арызды қабылдап, мас азаматты пәтерде қалдырып кеткен. Екі сағаттан кейін бұрынғы күйеуі әйелін пышақтап өлтірген.

Ер адам ұсталып, жантүршігерлік қылмыстың куәгері болған кәмелетке толмаған балаларға психологиялық көмек көрсетілуде.