Қарағанды облысында автобус жүргізушісі дизель отынын ұрлады

Теміртау қаласында автобус жүргізушісі өзі жұмыс істейтін мекемеден жизель отынын ұрлады, деп хабарлайды Orda.kz порталы, Polisia.kz-ке сілтеме жасай отырып.

Белгілі болғандай, мекемеге жүргізілген тексеру жұмыстары барысында 2600 литр дизель отынының жетіспеушілігі анықталған. Келтірілген шығын көлемі 767 мың теңге.

Полиция қызметкерлерімен бұл қылмысқа қатысы бар деген күдікпен 43 жастағы автобус жүргізушісін ұстады. Ол өз қылмысын мойындады. Айтуынша ұрлықты ешкім байқамай қалады деп ойлаған.

Аталған дерек бойынша қылмыстық іс қозғалып, тергеу амалдары жүргізіліп жатыр.