Қарағанды маңындағы жол апатынан 5 адам мерт болды: Сот жүргізушіге үкім шығарды

Қарағанды – Аягөз – Бұғаз тас жолында болған жол апаты бойынша үкім шықты, деп хабарлайды Orda.kz. 

Қайғылы жағдай 13 қыркүйекке қараған түні болды. Ford Mondeo жүргізушісі қарсы жолаққа шығып, Changan CS55Plus-пен соқтығысқан. Апат салдарынан  Ford Mondeo көлігінің жүргізушісі мен жолаушысы,  Changan көлігінде отырған жолаушылар қаза тапты. Екі көлікте де кәмелетке толмаған балалар бар еді. Олар ауыр жарақат алып, ауруханаға жатқызылды.

Жүргізуші кінәсін мойындады. Сот жүргізушінің шын жүректен өкінгенін және ауырлататын жағдайлардың жоқтығын ескере отырып, оны бес жылға бас бостандығынан айырды. Ал көлік құралын басқаруға жеті жылға тыйым салынды. 

Айта кетейік, кеше, 24 қараша күні Алматы – Бішкек автожолының 65-шақырымында Audi және Toyota көліктері соғылып, жол апатынан 6 адам қаза болды.