Қаңтар оқиғасы: Прокурор Викрам Рузухуновты азаптағандарға 3 жыл сұрады

Қаңтар оқиғасы кезінде 99 Қазақстан, Өзбекстан, Тәжікстан, Қырғыстан азаматтарын азаптаған полиция қызметкерлеріне 26 желтоқсандағы кезекті сот отырысында прокурор Арыстан Әликенов сот алқасынан жаза сұрады, деп хабарлайды Orda.kz.

Еске салар болсақ, 2022 жылдың 7 қаңтарында ҰҚК шекара қызметінің басшылығы Алматыдағы тәртіпсіздіктерге қатысы бар адамдарды іздеу операциясын ұйымдастырды. Сол күні әскерилер Алматы-Бішкек тас жолында бақылау-өткізу бекетін орнатып, 99 адамды: Қазақстан, Қырғызстан, Тәжікстан және Өзбекстан азаматтарын ұстады. Олардың арасында Викрам Рузухунов та бар.

Барлығы Қошмамбет ауылындағы сол кезде пайдалануға берілмеген, ресми түрде жұмыс істемейтін арнайы әкімшілік құқық бұзғандарды ұстайтын абақтыға жеткізілді. Зардап шеккендердің айтуынша, ол жерде су да, жылу да болмаған.

Айыпталушылар:

• Тұрпанбаев Серік
• Хамитов Нұрсұлтан
• Шойбеков Арман
• Адильбеков Берік
• Айдарханов Олжас

Қылмыстық кодекстің 146 бабының 1 тармағы Азаптау ісі бойынша және 362 баптың 1 тармағы  қызметін асыра пайдаланғаны бойынша істі болып жатыр.

Бүгінгі сот отырысында прокурор Арыстан  Әликенов жаппай азаптау ісі бойынша жаңа ғана сотталған алты полиция қызметкерін шенінен айырып, 3 жылға бас бостандығынан айыруды және сот залында қамауға алуды сұрады.

Жәбірленуші тараптың адвокат Жуаспаева Гүлнәр және тағы басқа да, адвокаттар Прокурор Әликенов ұсынған жазаға қарсылық білдіріп, азаптау ісіне 3 жыл аз деп шағымданды. Сонымен қатар,  Викрам Рузухуновты адвокаты да 3 жыл бас бостандығынан айыру жеткіліксіз екенін айтты. Қырғызстан әншісінің қабырғасы сынып, сынған қабырғасы өкпесін тесіп кеткенін және еміне миллондаған қаражат кеткенін алға тартты адвокады.

«Азаптауларға және басқа да қатыгез, адамгершілікке жатпайтын немесе ар-намысты қорлайтын іс-әрекеттер мен жазаға қарсы конвенция, соғыс жағдайы немесе соғыс қаупі, ішкі саяси тұрақсыздық немесе кез келген басқа қоғамдық төтенше жағдай болсын, ешқандай ерекше жағдайлар азаптауды ақтай алмайды (2-баптың 2-тармағы). Жоғары тұрған немесе мемлекеттік органның бұйрығы азаптауды ақтауға негіз бола алмайды (2-бап, 3-тармақ). Сол себепті прокурор Арыстан  Әликеновтің ұсынған жазасына көңіліміз толмайды», - деді адвокат.