Қаңтар оқиғасы кезінде ұсталған Тұрғымбаевқа қатысты сот үкімі шықты

Астана қаласының қылмыстық істер жөніндегі аудандық соты қаңтар оқиғасы кезінде ұсталған бұрынғы Ішкі істер министрі Ерлан Тұрғымбаевқа қатысты үкім шығарды.

Бұл туралы Orda.kz хабарлады.

Ол билікті асыра пайдаланып, ҚР қылмыстық кодексінің 362-бап, 4-бөлігі бойынша айыпталды.

Прокурор 5 жыл бас бостандығынан айыру жазасын сұрады. Алайда сот Ерлан Тұрғымбаевтың кінәсін мойындап, өкінгенін ескеріп, шартты жаза тағайындап, пробациялық бақылау орнатты.

Сонымен қатар, Тұрғымбаев белгілі бір лауазымдарды 10 жыл бойы атқара алмайды.  Арнайы атақтары мен мемлекеттік марапаттарынан да айырылды.

Сот үкімі әлі заңды күшіне енген жоқ.

Еске сала кетейік,  Orda.kz бұрынғы Ішкі істер министрі Ерлан Тұрғымбаевтың ауыр зардаптарға әкеп соқтыратын лауазымдық өкілеттіктерін асыра пайдаланғаны үшін ұсталғанын хабарлаған болатын. Тергеу 2022 жылғы қаңтардағы тәртіпсіздіктерге қатысты болды.