Қаңтар оқиғасы кезінде ұрланған 283 мылтық тәркіленді

Қаңтар оқиғасы кезінде ұрланған  жалпы саны 58 Калашников автоматы, 283 мылтық, 164 тапанша, 115 гранат және әртүрлі калибрдегі 15 мыңнан астам оқ-дәрі тәркіленді, деп хабарлайды Orda.kz.  

Ұлттық қауіпсіздік комитетінің айтуынша, қаңтар оқиғасы кезінде ұрланған қаруларды іздеу және заңсыз айналымнан тәркілеу бойынша арнайы операциялар әлі де жалғасып жатыр.  

«Қарудың заңсыз айналымын жасаған 7 арна құрықталды. Сонымен қатар, ішкі сатылым бойынша тағы да 7 арна және оны қолдан жасап шығаратын 4 шеберхана жойылды. Қарудың заңсыз айналымына қарсы іс-шаралар жалғасуда», - деп хабарлады комитеттің баспасөз қызметі.