Қаңтар оқиғасы кезінде адамдарды азаптаған экс-полицейлер сотталды

Талдықорған соты Қаңтар оқиғасы кезінде адамдарды азаптаған бұрынғы полиция қызметкерлеріне қатысты үкім шығарды.

Қылмыстық істі Жетісу облысының арнайы прокурорлары тергеп-тексерді.

«Мемлекеттік айыптаушылар 2022 жылғы 5-16 қаңтар аралығында Алматы облысы полиция департаменті ғимаратында кінәлі тұлғаларға қатысты физикалық зорлық-зомбылықпен қатар, тергеудің тыйым салынған әдістерін қолданғаны дәлелденді. Заңсыз әрекет салдарынан жеті жәбірленуші жарақат алған» делінген хабарламада.

Сот үкімімен үш сотталушы 4 жылдан 6 жылға дейінгі бас бостандығынан айырудың әртүрлі мерзімдеріне сотталып, олардың біреуі бас бостандығынан айыруға қатысы жоқ жазаға тартылды.

Сонымен қатар сот оларды арнайы атақтарынан және мемлекеттік қызметте жұмыс істеу құқығынан айырды. Үкім заңды күшіне енген жоқ.