«Қаңтар» оқиғасы бойынша ұсталғандарды азаптаған полиция қызметкерлері сотталды

«Қаңтар» оқиғасы кезінде азаптау қолдану фактісі бойынша үш полиция қызметкеріне қатысты үкім жарияланды, деп хабарлайды Orda.kz порталы Алматы қаласы прокоратурасының баспасөз қызметіне сілтеме жасап.

Қылмыстық істі Алматы қаласының арнайы прокурорлары тергеді.

Олар 2022 жылғы 9 қаңтарда Алмалы аудандық полиция басқармасына жеткізілген 3 азаматқа қатысты  полицейлер азаптау қолданғанын дәлелдеді.

Заңсыз әрекет нәтижесінде үш жәбірленушілерге тән азаптары келтірілген.

Соттың үкімімен үш сотталушы арнаулы атақтары мен мемлекеттік қызметте жұмыс істеу құқығынан және 3 жыл мерзімге бас бостандығынан айыру түріндегі жаза тағайындалып, аталған тұлғалар сот залында қамауға алынды.

Үкім заңды күшіне енген жоқ.