Каннабис аса қауіпті есірткілер тізімінен шығарылды

ҚР Сыртқы істер министрлігі БҰҰ-ның есірткіге қарсы күрес жөніндегі комиссиясының шешімі бойынша түсіндірме берді, оған сәйкес каннабис аса қауіпті есірткілер тізімінен шығарылды.

2 желтоқсанда БҰҰ-ның есірткіге қарсы күрес жөніндегі комиссиясында өткен дауыс беру қорытындысы бойынша каннабис пен оның шайырын есірткіге қарсы бірыңғай конвенцияның «IV тізімі» деп аталатын топтан шығару туралы шешім қабылданды. Бұл тізім ерекше қауіпті қасиеттері бар дәрілік заттарға қарсы бақылау шараларын реттейді.

Осы тізімге түзетулерді ДДҰ сарапшылары ұсынған. Еуропалық Одақ пен АҚШ-ты қосқанда, КНД-ның 53 мүшесінің 27-сі ұсынысты қолдап дауыс берді. Қазақстан делегациясы да қарсы дауыс бергені атап өтілді.

«IV кестеден» шығарылғанына қарамастан, каннабис 1961 жылғы Конвенцияның негізгі «І кестесі» бойынша есірткі болып қала береді, демек, ол осы Конвенцияға сәйкес барлық бақылау түрлеріне бағынышты болады деген сөз», - деп түсіндірді ҚР СІМ.

Бұл шешімнің салдарынан қарасораға халықаралық бақылаудың әлсіреуі болмайтындығы атап өтілді.

Сонымен қатар, мемлекеттердің өзі есірткіге қарсы қатаң шаралар қолдана алатындығын да хабарлады министрлік.

«Сондықтан Қазақстан мен халықаралық конвенцияларға қатысушы көптеген басқа елдер каннабис пен оның туындыларының айналымына, сондай-ақ есірткі заттарды өндіруге қатаң тыйым салды, тек білім беру және ғылыми мақсаттарды қоспағанда. Халықтың, әсіресе балалар мен жастардың денсаулығы мен әл-ауқатына қауіп төндіретін болса, Қазақстан қарасораға қарсы шараларды өзгертуге теңдестірілген тәсілдерді ұстануды жалғастырады және осы мәселе бойынша халықаралық қоғамдастықпен тығыз ынтымақтастықты жалғастырады», - деп хабарлады СІМ.