Канело су тасқынынан зардап шеккендерге қолдау көрсетті

Мексикалық боксшы Сауль Альварес су тасқынынан зардап шеккен Қазақстан халқына қолдау көрсетті.

Ол Instagram парақшасында Қазақстан халқына үндеу жариялады.

«Біз Қазақстан халқы үшін дұға етеміз. Атырау мен Орал, біз сіздермен біргеміз» деп жазды Канело.

Төтенше жағдайлар министрлігінің мәліметінше, су тасқыны салдарынан эвакуацияланған адамдардың саны қазірдің өзінде 108 мыңнан асты. Ал «Қазгидромет» бірнеше өңірде су тасқынының екінші толқыны болады деп болжап отыр.