«Канело» көпшілік алдында Головкинді балағаттады

cover Бейнеден кадр

Мексикалық боксшы Сауль «Канело» Альварес Лос-Анджелестегі трилогия аясында өткен бірлескен баспасөз жиынында қазақстандық боксшы Геннадий Головкинді балағаттады.

Қазақстандық боксшы Геннадий Головкин мен мексикалық Сауль «Канело» Альварес үшінші жекпе-жек алдында алғаш рет бетпе-бет кездесті, деп жазады Sports.kz.

— Ол өзін жақсы жігіт ретінде көрсетуге тырысады, бірақ олай емес, ол ессіз!  Мен әр жерде оның мен туралы көп сөз айтқанын білемін, - деді Канело көзқарастар жекпе-жегінен кейінгі бірлескен баспасөз мәслихатында.

Альварес үшінші жекпе-жегінде  нокаутпен жеңіп, «Головкинді отставкаға жіберуді жоспарлап отырғанын» да айтты.

Геннадий Головкин қарсыласынан айырмашылығы бұл жекпе-жекті ешқандай  да бір ерекше құбылыс санамайтынын атап өтті:

 — Мен бұл жекпе-жекті ешқандай  да бір ерекше құбылыс санамаймын — мен боксқа шығамын. Мен үшін бұл жағдай мүлде басқа. Егер оның маған қатысты жеке пікірі болса, бұл менің мәселем  емес, - деді қазақстандық спортшы.

GGG де Альварестің бұл қылығына таң қалды.

— Мен бұл жағдайды  түсінбеймін. Екеуміз екі рет керемет жекпе-жекке шықтық , содан кейін құшақтасып, қол алысқанбыз, енді бірдеңелер айтып жатыр... Мені ол туралы көп айтқан  дейді, білмеймін... Ол туралы жаман сөз айтқан емеспін, - деді Головкин.

Еске салайық, Головкин мен Канело арасындағы үшінші жекпе-жек 17 қыркүйекте Лас-Вегаста өтеді. Олардың алғашқы жекпе-жегі 2017 жылы өтіп, тартысты тең есеппен аяқталды. Одан бір жылдан кейін 2018 жылы тағы бір жекпе-жек өтіп, төрешілердің көпшілік шешімімен Альварестің жеңісімен аяқталған болатын.

Жаңалықтар

барлық жаңалықтар