Қандастар туралы жазбасы үшін Сәуле Әбілдаханқызының үстінен арыз түсті

Альфия Адамбек
cover Фото: Facebook/ Сәуле Әбілдаханқызы

Әлеуметтік желіде жазған жазбасы үшін журалист Сәуле Әбілдаханқызының үстінен арыз түсті, деп хабарлайды Orda.kz. 

Бас прокурор Берік Асыловқа Сәуле Әбілдаханқызының үстінен арыз жазылған. «Демос» ҚБ төрағасы Тұрарбек Құсайыновтың арыз жазуына белсендінің әлеуметтік желідегі жазбасы себеп болыпты. Бұл жайлы ол өзінің Facebook парақшасында жариялады.

Журналист Facebook желісіндегі жазбасында Қытайдан келген қазақтарға шүйліккен. Бұл жазбаның суреттері Facebook желісінде тарап кетті. Жазбаға қатысты басқа журналистер де өз пікірін жазып жатыр.

«Қазақстан Республикасының азаматы ретінде еліміздің бірлігі мен татулығын сақтау мақсатында Сәуле Әбілдаханқызы есімді әйелдің фейсбук әлеуметтік желісінде этникалық қазақтарды шыққан тегіне қарай бөліп, «жалпы,қытайдан келген оралмандарды мемлекет саясатына араластырмау керек.... моральдық қақысы жоқ» деген жазбасына орай құқықтық жауапқа тартуды өтінемін» деп жазылған арызда.

Тұрарбек Құсайынов Сәуле Әбілдаханқызын 4 бап бойынша жазаға тартуды сұрапты. Олар: 

  1. ҚР Конституциясының 14-бабы – барлық азаматтар тең құқыққа ие және этникалық шығу тегіне байланысты кемсітуге болмайды.
  2. ҚР Қылмыстық кодексінің 174-бабы – ұлттық және әлеуметтік алауыздықты қоздыруға тыйым салады.
  3. ҚР Қылмыстық кодексінің 145-бабы – азаматтардың тең құқықтылығын бұзуға бағытталған кез келген әрекет заңға қайшы.
  4. ҚР «Халықтың көші-қоны туралы» заңы – шетелдегі этникалық қазақтарға тарихи отанына оралу құқығын береді, олардың азаматтық құқықтарын шектеу заңсыз. 


Еске салайық, бұған дейін тележүргізуші Ләйлә Сұлтанқызы FlyArystan-ның үстінен арыз жазғанын хабарлаған едік. 

Жаңалықтар

барлық жаңалықтар

22.12.2020 жылы берілген
№KZ05VPY00030397 мерзімді баспасөз басылым және ақпараттық агенттік
тіркеу туралы куәлік.

© ORDA, . Пайдалану ережелері