Қанат Шарлапаев жаңа қызметке кірісті

Регби федерациясын ҚР Индустрия және құрылыс министрі Қанат Шарлапаев басқаратын болды, деп хабарлайды Orda.kz.       

Бұл туралы бүгін Индустрия министрлігінің Telegram-каналынан белгілі болды.

«2025 жылдың 25 қаңтарында Қанат Шарлапаев «QAZAQSTAN RUGBY» заңды тұлғалар бірлестігінің президенті болып сайланды. Федерация регбимен айналысатын жастарды дамытуды, әйелдер командаларын қолдауды, спортты насихаттауды және инфрақұрылым құруды жоспарлап отыр» деп жазылған хабарламада.  

Қазақстан әйелдер құрамасы әлемдік рейтингте 19-шы орында екені және халықаралық турнирлерде сәтті өнер көрсетіп жүргені, ал ерлер мен жастар құрамалары белсенді дамып келе жатқаны атап өтілді.

2025 жылдың 21 қаңтарында Қазақстан құрамасының экс-футболшысы Давид Лорияның Қазақстан футбол федерациясындағы қызметке тағайындалғаны хабарланған болатын.