Канада елшісі қазақ тілінде үндеу жолдады

Канаданың Қазақстандағы, Қырғызстандағы және Тәжікстандағы елшісі Алан Хамсон Шымбұлақта болып, алған әсерлерімен бөлісті.

Ол видеоны өзінің Instagram парақшасында жариялады.

– Бұл жер өте әдемі. Бүгін қар жауды. 30 жылда алғаш рет шаңғы тебейін деп тұрмын. Маған сәттілік тілеңіздер!, – деп канадалық дипломат қазақ тілінде сөйледі.

Ол сондай-ақ видеосының астына үш тілде – қазақ, орыс және ағылшын тілдерінде хабарлама қалдырды.

«Мен бала кезімнен алғаш рет тау шаңғысымен айналысып көрдім. Менің шаңғымен сырғанау дағдыларым тауда көмектеседі деп үміттенемін» деп жазды ол.

Пайдаланушылар канадалық дипломаттың тіл үйренгені таң қалдырды. Көпшілік елшіні қолдап, оның тілді жетік меңгергенін мақтады.