Канадада жер сілкінісі тіркелді

Канада жағалауында магнитудасы 5,6 болатын жер сілкінісі тіркелді. Оның көзі 10 шқ тереңдікте жатыр.

Бұл туралы АҚШ-тың геологиялық қызметі хабарлады.

Оның мәліметінше, жер сілкінісінің ошағы екі мыңдай тұрғыны бар Порт-Макнилл қаласынан батысқа қарай 228 шақырым жерде орналасқан. Зардап шеккендер туралы мәлімет жоқ. Цунами қаупі жарияланған жоқ.

Естеріңізге сала кетейік, 9 қыркүйекке қараған түні Марокконың Марракеш қаласында күші 7 баллдық жер сілкінісі болды. Бұл ел тарихындағы өткен ғасырдағы ең ірі жер сілкінісі. Марракеш пен Агадирде ғимараттар зақымданды. Жер сілкінісінен қаза тапқандар саны 1037-ге, жараланғандар саны 721-ге жетті.