Канадада өткен сайлауда либералдардың партиясы жеңіске жетті

Канадада либералдар партиясы 28 сәуірде өткен парламенттік сайлауда жеңіске жетті,  деп хабарлайды Orda.kz. 

Канада банкі мен Англия банкінің бұрынғы басшысы Марк Карни премьер-министр болып сайланды. Марк Карниге 172 мандат қажет. Сондықтан партия басқа партиялардың қолдауына жүгінуге ниетті. 

Канадалықтар үшін либералдардың жеңісі күтпеген жағдай болды. Өйткені партия 2024 жылдың соңында танымалдылығын жоғалтқан еді. Ал Пьер Пуялев бастаған консерваторлар партиясы алда келе жатқан. Алайда соңғы уақытта жағдай күрт өзгеріп кетті. АҚШ президенті Дональд Трамптың Канаданы қосып алу жайлы озбыр мәлімдемелері және сауда баждары халық арасындағы патриоттық сезімді күшейтті. Карни бұл көзқарасты байқап, дер кезінде шешім қабылдап,  егемендікті қорғауға сөз берді.

Консерваторлар керісінше, қолдауын жоғалтты. Сонымен қатар нақты жоспардың болмауына байланысты кейбірі сайлаудан шығып қалды.

Карнидің алға қойған мақсаты — сауданы қорғау, экономиканы нығайту және АҚШ-пен шиеленіскен қатынастар аясында Канада тәуелсіздігін қорғау екенін атап өтті.

Айта кетейік, 1 ақпанда АҚШ президенті Дональд Трамп Қытайдан, Канададан және Мексикадан АҚШ-қа импортталатын тауарларға, сондай-ақ Канада энергетикасына баж салығын енгізетінін мәлімдеген еді.