Канадада бортында 550 жолаушы бар ұшақты найзағай соқты

Соққыдан кейін ұшақ ұшуын жалғастырды, жолаушылардың ешқайсысы зардап шеккен жоқ.

Бұл туралы CityNews жазады.

Air Canada Boeing 777-300 ұшағы Ванкувер әуежайынан көтеріліп, Лондонға бет алды. Кездейсоқ түсірілген кадр найзағайдың ұшақ бүйірін қалай тескенін көрсетеді. Бірақ ұшақ ұшуын жалғастырды.

Ұшақтың найзағай соққан кездегі видеосы тарады.

«Мен 777-300 ұшағын Лондон Хитроусына ұшып бара жатқанын көрдім, ал 777 - менің сүйікті ұшақтарымның бірі. Сондай-ақ бұл ең үлкен қос қозғалтқышты ұшақ болса керек, сондықтан мен оны түсіру қызықты болар деп ойладым, себебі ол өте мықты» деді Итан Уэст.

Жергілікті ұшқыштың айтуынша, әуе лайнерінде орнатылған найзағай сөндіретін арнайы жүйенің арқасында қайғылы оқиғаның алдын алған. АҚШ Ұлттық ауа райы қызметінің мәліметі бойынша, жолаушылар ұшағын әдетте жылына орта есеппен бір немесе екі рет найзағай соғады.