Канадада AstraZeneca вакцинасының жанама әсері тіркелді

Канада науқастарда қан ұйығыштықтың пайда болуы себептерінен AstraZeneca вакцинасын егуді тоқтатты.

Ұлттық иммундау жөніндегі кеңестік комитет төрағасының орынбасары Шелли Дикс мәлімдегендей, 55 жасқа толмаған азаматтар үшін вакцинаның бұл түрін егу тоқтатылады.

Канаданың Манитоба провинциясында вакцинаны егу бойынша жұмыс тобының докторы Джосс Реймердің айтуынша, AstraZeneca препаратымен егілген адамдарда тромбоздың ықтималдығы 100 мыңға 1 жағдай тіркелген. Бұрын мұндай жанама әсер миллион жағдайдың бірінде болған деп есептелген.

Қазіргі уақытта Еуропаның бірқатар елдері вакциналанған науқастарда тромбоздың анықталуына байланысты AstraZeneca вакцинасын егуді тоқтатты немесе тыйым салды. Екпені жасаушылар оны қауіпсіз деп сендіреді. Компания вакциналаудан кейін 17 миллионнан астам адамның денсаулығын егжей-тегжейлі зерттеу өкпе эмболиясының, терең тамыр тромбозының немесе тромбоцитопенияның жоғарылау қаупі туралы мәліметтердің жоқтығын көрсетті.