Камиль Ақатов қызметінен босатылды

Үкімет қаулысымен Камиль Ақатов басқа жұмысқа ауысуына байланысты Қазақстан Республикасы Ғылым және жоғары білім вице-министрі қызметінен босатылды.

Ол кафедрада ғылыми бағыттар бойынша жетекшілік етті.

Ақатов 1991 жылы Жамбыл облысында дүниеге келген. Воллонгонг университетін (БАӘ), Қазақ технология және бизнес университетін, Астана IT университетін бітірген.

2015-2016 жылдары «Қазақстан МЖӘ орталығы» АҚ жобалау бөлімінің сарапшысы болды.

Одан кейін «Зерде» Ұлттық инфокоммуникация холдингі» АҚ бас менеджері, бөлім бастығы, департамент директоры қызметтерін атқарды.

Сосын «Qazinnovations» Инновациялық даму ұлттық агенттігі» АҚ басқарма төрағасы қызметін атқарды.

2022 жылдың 1 қыркүйегінде Ғылым және жоғары білім вице-министрі болды.