Кәмелетке толмаған жасөспірім ұлтаралық араздық қоздырғаны үшін сотталды

Абай облысында ұлтаралық араздықты қоздырды деп айыпталған жасөспірім сотталды, деп хабарлайды Orda.kz. 

Тергеу дерегінше, 2025 жылдың ақпанында жасөспірім Telegram мессенджерінде «Skinheads industries-Semey» атты чат ашқан. Өзін нәсілшіл «скинхедтер» қозғалысының жақтаушысы деп санаған, чатта да адамдарды ұлтына қарай қорлайтын мәтіндік және аудио хабарламалар жариялаған. Әсіресе Үндістаннан келген студенттер мен олардың мәдениетіне қатысты кемсітетін пікірлер айтқан.

Тергеу нұсқасы бойынша, ол осылай Семейде экстремистік идеяларды таратуға тырысқан.

Сот оның кәмелетке толмағанын, бұрын қылмыстық жауапкершілікке тартылмағанын және кінәсін мойындағанын жеңілдететін мән-жай ретінде ескерді. Соның негізінде сот жасөспірімге 1 жыл 4 айға бостандығын шектеу жазасын тағайындады.

Еске сала кетейік, Алматыдағы жекеменшік мектептердің бірінде 30 жылдық тәжірибесі бар ұстазды «орыс тілінде сөйлемеді» деген себеппен жұмыстан шығаруға қатысты сот ісі аяқталып, ұстаздың әділетсіз жұмыстан шығарылғаны дәлелденді.

Оқи отырыңыз:

• «Орысша сөйлемедің деген сылтаумен жұмыстан қуды»: Алматыда жекеменшік мектеп пен мұғалім арасындағы дау неден шықты?
• Алматыда ерекше балаларды оқытатын тағы бір мектеп жұмысын тоқтатуға мәжбүр
• Бішкекте мектеп сыныптарын орыс және қырғыз тілдеріне бөлуден бас тартпақ