Камалжан Надыров Республикалық денсаулық сақтауды дамыту орталығын басқарады

Камалжан Надыров Қазақстан Республикасы Денсаулық сақтау министрлігінің Республикалық денсаулық сақтауды дамыту орталығы басқарма төрағасы болып тағайындалды, деп хабарлады Денсаулық сақтау министрлігінің сайты.

Камалжан Надыров 1983 жылы 27 ақпанда дүниеге келген, екі жоғары білімі бар - медициналық және экономикалық. Асфендияров атындағы Қазақ ұлттық медициналық университетін, Тұран университетін бітірген.

2007-2014 жылдар аралығында академик Жарбосынов атындағы урология ғылыми орталығында клиникалық ординатор, бөлім меңгерушісі, бас директордың орынбасары болып жұмыс істеді.

2014-2016 жылдар аралығында Қазақстан Республикасы Денсаулық сақтау министрлігінде түрлі қызметтерде жұмыс істеді.

2016-2017 жылдар аралығында Республикалық диагностикалық орталық - Университеттің медициналық орталығын басқарды.

2017-2019 жылдары ол елордалық қоғамдық денсаулық сақтау департаментін басқарды, 2019-2020 жылдары Қазақстан Республикасы денсаулық сақтау вице-министрі, 2020 жылдың маусым айынан қазан айына дейін Алматы қаласы қоғамдық денсаулық сақтау департаментінің бастығы болды.