Камала Харрис Трампты жеңісімен құттықтады

АҚШ вице-президенті Камала Харрис Вашингтонда жақтастарының алдына шығып, билікті бейбіт жолмен беруге уәде етті, деп хабарлайды Orda.kz.

Дауыс берудің соңғы қорытындысын шығаруға бірнеше күн кетуі мүмкін. Алайда, Камала Харрис америкалықтардың таңдауын құрметтейтінін және сайлаушылардың еркіне бағынатынын айтты.

«Біз бұл сайлаудың нәтижелерін мойындауымыз керек. Мен президент Трамппен сөйлесіп, оны жеңісімен құттықтадым. Демократия — жеңілген адамның жеңісті мойындап, кетуі. Сайлау нәтижелеріне қарсыласпай, қарсыластың жеңісін мойындау керек. Өз сайлаушысына деген шынайы құрмет осылай көрінеді», – деді Харрис.

Сонымен қатар, Трамп сайлауда жеңіске жеткеннен кейін, АҚШ-тың қазіргі президенті Джо Байден оны Вашингтондағы резиденциясына шақырды. Ол «бірқалыпты өтуді қамтамасыз етуге және елді біріктіру жұмысының маңыздылығын атап өтуге» міндеттеме алғанын айтты.

Сонымен қатар Қазақстан президенті Қасым-Жомарт Тоқаев АҚШ президенті сайлауында айқын жеңіске жеткен Дональд Трампқа құттықтау жеделхатын жолдады.