«Калифорниядағы өрт»: оқудағы қазақстандық студенттердің жағдайы белгілі болды

cover Фото: freepik.com

«Халықаралық бағдарламалар орталығы»  Калифорния штатында болып жатқан орман өртіне байланысты мәлімдеме жасады, деп хабарлайды Orda.kz. 

Мәліметтерге сүйенсек, қазіргі таңда Калифорния штатында 73 стипендиат білім алып жатыр екен. Оның ішінде 56-сы «Болашақ» бағдарламасының, ал 17-сі ғылыми тағылымдама бағдарламасының стипендиаттары. Орталық барлығының аман-есен, кураторлармен байланыста екенін айтты.

«Студенттер жергілікті билік органдарының ұсыныстарын орындап, жағдай туралы бізге жедел түрде хабарлап отырады. Біз университеттермен тұрақты байланыстамыз және кез келген өзгеріске жылдам әрекет етуге дайынбыз», деп хабарлады «Халықаралық бағдарламалар орталығы» АҚ баспасөз қызметі. 

Орталық өкілдері барлық студенттерді қауіпсіздік шараларын қатаң сақтауға шақырды.


Жаңалықтар

барлық жаңалықтар