Қаладағы ағаштарды дұрыс тексермеген «Эко Алматы» директоры жазаланды

Қаладағы ағаштар аяқ-асты құлап, тұрғындардың жеке мүлкіне зиян келтіріп жатады. Сондай-ақ, прокуратура табиғатты көгалдандыру, оның жай күйін реттестіріп отыру қызметтерінде заң бұзушылықты анықтады.

Бұл туралы Бас прокуратура хабарлады.

 Медеу аудандық прокуратурасы Алматыдағы жасыл желекті күту қызметтерінен заң бұзушылықтарды анықтады. Талдау көрсеткендей, қалада ағаштар әсіресе жаңбырлы және желді ауа-райында көліктердің үстіне құлап, адамдарға зиянын тигізеді.

2023 жылдан бері сотқа жалпы сомасы 51,3 млн теңгені құрайтын 32 талап арыз түсіп, оның 31,2 млн теңгесі бюджеттен төленді. 

 Прокурорлар ағаш күтімі шараларының дұрыс жүргізілмегенін айтып отыр.

Ағаштардың жай-күйіне кешенді тексеру жүргізілмеген, деректер базасындағы мәліметтерді жаңарту жұмыстары жүргізілмеген.

 Осыған байланысты прокуратураға заң бұзушылықты жою туралы ұсыныс енгізілді.

Нәтижесінде «Эко Алматы» ЖШС директоры тәртіптік жауапкершілікке тартылды.

Енді аяқ-асты құлап кетуі мүмкін ағаштарды анықтау бойынша қосымша шаралар қолға алынбақ.