Қайырымдылық саласына үлкен соққы: Перизат Қайраттың ісі бойынша тың деректер

Asar-ume қайырымдылық қоры Перизат Қайраттың ісі бойынша жәбірленуші деп танылды, деп хабарлайды Orda.kz.

Asar-ume қайырымдылық қоры  салаға үлкен соққы болғанын instagram парақшасында мәлімдеді.

«ОО «Biz Birgemiz Qazaqstan 2030» басшысының қаржы жымқыру ісі қоғамда кеңінен тарады. Біз сенгіміз келмейтін фактілер шындыққа айналып, бұл жағдай елдегі қайырымдылық саласына үлкен соққы болды. Бұл оқиға игі істермен айналысатын әр адамға әсерін тигізіп, қайырымдылыққа деген сенімге күмән ұялатты» деп жазды instagram парақшасында.

ОО «Biz Birgemiz Qazaqstan 2030» қоры жасаған алаяқтық әрекеттер біздің қорымызға да әсер етті. Тергеу нәтижесінде ОФ «Асар Үме» ресми түрде жәбірленуші тарап деп танылды. Істің мән-жайын толық жариялай алмаймыз, бірақ әділдік орнайтыны сөзсіз – кінәлілер заң алдында жауап береді, делінген жазбада. 

Еске салайық, бұған дейін Перизат Қайраттың «Biz Birgemiz» қоры жабылатынын хабарлаған едік. Волонтер Перизат Қайрат «Көмекке жиналған 1,5 млрд теңгені жымқырған» деген күдікпен ұсталып, тергеліп жатыр.

16 қараша күні Қаржы мониторингі агенттігі Перизат Қайрат Палестинаға деп ақша жинап, тағы 200 млн теңге жымқырғанын растады.

Перизатпен бірге «Amanat» партиясының да аты қатар аталып, ел ішінде түсініспеушілік пайда болды. Осыған байланысты «Amanat» партиясының басшылығы өздерін «Biz Birgemiz» қорының құрылтайшысы саналмайтынын мәлімдеді.