«Қайраттың» жұлдызға айналған қақпашысы Шерхан Қалмырзаға Ұлықбек Шәріпов көлік сыйлады 

Кәсіпкер, Shoqansuits компаниясының директоры Ұлықбек Шәріпов «Қайрат» футбол клубының қақпашысы Шерхан Қалмырзаға автокөлік сыйлады, деп хабарлайды Orda.kz.

Әуелі сыйлықты көрген қақпашы сенер сенбесін білмей, «қойыңызшы» деумен болды.

«Бұл сенің көлігің. Расымен айтып тұрмын. Компаниямыздың кішігірім сыйлығы. Бізге тамаша эмоция сыйладың. Бастысы тоқтама. Ел сенімен бірге», – деді Шәріпов. 

18 жастағы аз уақытта жұлдызға айналған Шерхан Қалмырзаға кәсіпкер Exeed көлігінің кілтін табыстады. 

Алматыда өткен тарихи матчта «Қайрат» алғашқы минуттарда жанкүйерлерін жігерлендіргенімен, екінші таймда «Реалдың» қарқынына төтеп бере алмады. Чемпиондар лигасының екінші турында алматылықтар 0:5 есебімен есе жіберді. Мбаппенің хет-тригі мен Шерхан Қалмырза сейвтері — тарихи түннің басты эпизодына айналды. Толығырақ тілшіміздің материалынан оқыңыз.