Қайрат Сатыбалды мемлекетке тағы 82,6 млрд теңге қайтарды

Мемлекет басшысына берген есебінде сыбайлас жемқорлыққа қарсы іс-қимыл агенттігінің төрағасы Асхат Жұмағали Қайрат Сатыбалдының 82,6 млрд теңге қайтарғаны туралы мәлімет келтірген, деп хабарлайды Orda.kz порталы.

«Қайрат Сатыбалдыұлына қатысты сотқа дейінгі тергеу амалдары аясында биыл ақпан айында бюджетке тағы да шамамен 82,6 миллиард теңге (185 млн АҚШ доллары) түсті» делінген Ақорда таратқан ақпаратта.

Еске сала кетейік, бұған дейін Қайрат Сатыбалдының «мемлекетке қайтарған» қонақ үйі жайлы тың ақпарат пайда болған еді. Астанада өткен баспасөз мәслихаты барысында жеке компания басшысының өкілі Асқар Өтешов Алматыдағы қонақүй рейдерлік жолмен қалай тартып алынғанын айтып берді.