Қайрат Сатыбалды Қазақстанға 650 миллиард теңгенің мүлкін қайтарды

Қайрат Сатыбалдадан мемлекет пайдасына 650 миллиард теңгенің мүлкі тәркіленді. Оған қатысты тағы бір іс сотқа жіберілді.

Жалпы, жыл соңына дейін Сыбайлас жемқорлыққа қарсы қызметі мемлекет қазынасына 912 млрд теңге қайтара алды.

Бұл туралы «Антикордың» ресми өкілі Арман Тілеукенов мәлімдеді.

Сондай-ақ ол Қайрат Сатыбалдыға қатысты сотқа дейінгі тергеудің аяқталғанын хабарлады. Енді іс сотқа жолданады.

«Қылмыстық жолмен алынған қаражат пен заңсыз ақшадан түскен пайданы пайдалана отырып, Қайрат Сатыбалдыұлы әртүрлі мүлікті, соның ішінде шетелде де иемденген. Ол Қазақстандағы және шетелдегі банктерден ақша алған, бұл іс қазір сотта. Салық төлеуден жалтарудың тағы бір эпизоды бар, бұл факті бойынша сотқа дейінгі тергеу жалғасуда, жаңа ақпарат түскен бойда халыққа ақпаратты жеткіземіз» деді Тілеукенов.

Бұл мүліктердің барлығы Сатыбалдадан тәркіленіп, мемлекет меншігіне өткен. Олардың жалпы құны 650 миллиард теңгеден асады.