«Қайрат» «Ордабасыны» жеңді: Ойын соңы жанжалға ұласты

Алматының «Қайрат» клубы Қазақстан чемпионатының орталық матчында шымкенттік «Ордабасыдан» басым түсті, деп хабарлайды Orda.kz.

Алматыдағы Орталық стадионда өткен тартысты кездесу 2:1 есебімен алаң иелерінің жеңісімен аяқталды. Ойында Марк Гуаль, Ойва Юккола және Берн Йонсен мергендігімен көзге түсті.

Бұл матчтың қос ұжым үшін де маңызы жоғары еді. Себебі қос клуб та чемпиондық алтынға басты үміткер саналады. Бұған дейінгі бірінші айналымдағы кездесуде шымкенттік ұжым мерейі үстем болған еді, бұл жолы алматылықтар қарымта қайтара алды.

Кездесу аяқталған соң алаңда келеңсіз жағдай орын алды. «Қайраттың» бас бапкері Рафаэль Уразбахтин қарсылас командамен сөзге келіп, жанжалға тап болды. Қақтығыстың неден шыққаны әзірге белгісіз.

Осы жеңістің арқасында алматылық клуб ұпай санын 45-ке жеткізіп, ҚПЛ-дың турнир кестесінде көш бастады. Ал 43 ұпайы бар «Ордабасы» екінші орынға сырғығанымен, Шымкент командасының қорыжынында әлі де бір қосалқы ойын бар.