Қайрат Нұртас ісі бойынша сот отырысы өтті

Танымал әнші Қайрат Нұртас сот алдында жауап берді. Әртіс Шымкенттегі арнайы уақытша ұстау изоляторында. Істі Астана қаласының әкімшілік істер жөніндегі мамандандырылған ауданаралық соты жүргізді.

Сот отырысы онлайн режимде өтті. 

Әншіге ӘҚБтК-нің 434-бабының 2-бөлігі (жыл ішінде қайталап жасалған ұсақ бұзақылық) және ӘҚБтК-нің 73-баптың 1-1-бөлігі (денсаулыққа қасақана жеңіл зиян келтіру) бойынша айып тағылып отыр. Алматы-Астана рейсінде Қайрат Нұртас Асылбек Бекқайыров атты досымен жанжалдасып қалды. Сот-медициналық сараптамасының қорытындысы бойынша, Қайрат Нұртас Бекқайыровтың басынан ұрып, оң көзінен ұрып, денсаулығына жеңіл дәрежеде зиян келтірген. Әншінің айтуынша, керісінше оған досы  бірінші болып жұдырық ала жүгірген.

Әншінің айтуынша, оның досы тойға шақырған. Ол өрескел бас тартқан. Нұртас бірінші болып соққы алғанын айтты. Оның айтуынша, оған екі рет соққы тиген. Содан кейін ол кері соққымен жауап берген. Ол өзін жәбірленушімін деп санайды.

Нұртас өз кінәсін мойындады. Жәбірленушінің айтуынша, олар татуласқан, әншіге шағымдары жоқ.
Нұртастың анасы Гүлзира Айдарбекова олардың дос екенін айтып, бір-бірінен кешірім сұрауын өтінді. Айдарбекова жанжалға ұлы да, жәбірленуші де кінәлі деп санайды.

Нұртас өзінің гастрольдік жоспары бар екенін айтып,  қамауға алудың орнына әкімшілік айыппұл салуды сұрады.  Прокурор Қайрат Нұртасты ұшақтағы оқиға үшін 15 тәулікке қамауға алуды талап етті.

Сот шешімі 14:30-да шығады.

Естеріңізге сала кетейік, Нұртас түнде ұшақта төбелес шығарғаны үшін қамауға алынды.