«Қайрат» Чемпиондар лигасының 1/4 финалына шықты

Алматылық «Қайрат» футзалдан Чемпиондар лигасының 1/4 финалына шықты.  «Қайрат» екі матчтың қорытындысында бельгиялық «Спортинг-Андерлехтті» жеңді.

Алғашқы ойынды алматылықтар 7:3 есебімен жеңсе, екінші кездесу 5 желтоқсанда Алматыда өтті және ол да 5:3 есебімен аяқталды. Бірінші таймнан кейін «Қайрат» 1:2 есебімен артта қалса да, үзілістен кейін тек есепті теңестіріп қана қоймай, қарсыласты толық жеңді.

Үй иелері сапында гол соққандар: Жахангир Рашит (7-минут), Біржан Оразов (23 және 33-минут), Жоао Пауло (37-минут) және Атирсон Да Сильва Оливейра (40-минут).

Қонақтардан гол соққандр: Эду (15-минут), Грелло (18-минут) және Стивен Диллин (40-минут). Сонымен қатар, бельгиялықтардан қақпашы Дейвиди Данер Бассани 26-минутта қызыл карточка алды.

Еске сала кетейік, 1/4 финал ойындары 23 ақпан және 6 наурызға жоспарланған. Жеңімпаздар финалдық кезеңде ойнайды, ол 8 және 10 мамырда Италияның Пезаро қаласында өтеді.

UEFA Жастар лигасындағы ойында алматылық «Қайрат» U19 командасы испандық «Реал» U19- командасынан ойсырай жеңілген еді.