«Қайрат» Чемпиондар лигасы іріктеу кезеңінің екінші айналымына өтті

15 шілдеден 16 шілдеге қараған түні алматылық «Қайрат» 2026/27 маусымындағы Чемпиондар лигасының бірінші іріктеу кезеңінің қарымта матчында черногориялық «Сутьесканы» жеңді, деп хабарлайды Orda.kz.

Еске салайық, алғашқы ойын 8 шілдеде Алматыдағы «Орталық» стадионда өтіп, «Қайрат» 2:1 есебімен жеңіске жеткен еді. Голды қорғаушы Лукас Африко мен шабуылшы Марк Гуаль соқты.

Екінші айналымға өту үшін алматылықтарға қарымта матчта жеңілмеу жеткілікті болды. Ойын Черногорияның Никшич қаласында өтті.

«Қайраттың» бастапқы құрамында Темірлан Анарбеков (қақпашы), Александр Мрынский, Александр Широбоков, Лукас Африко, Луиш Мата, Әділет Садыбеков, Яакко Оксанен, Ойва Юккола, Исмаил Бекболат, Жоржиньо, Марк Гуаль ойнады.

68-минутта вингер Исмаил Бекболат «Сутьеска» қақпашысының қателігін пайдаланып, есеп ашып үлгерді.

80-минутта «Қайрат» пенальтиге ие болды, оны шабуылшы Жоржиньо сәтті орындады. Қорытынды есеп — 0:2 «Қайраттың» пайдасына (екі матчтың қорытындысы бойынша 3:1).

Осылай алматылық «Қайрат» Чемпиондар лигасы іріктеуінің екінші кезеңіне өтті. Келесі қарсыласы — кипрлік «Омония».

Оқи отырыңыз:

• Чемпиондар лигасы: «Қайрат» өз алаңында «Сутьесканы» 2:1 есебімен жеңді
• Қазақстан премьер-лигасы матчында «Қайрат» өз алаңында «Каспийді» жеңді
• «Қайрат» ФК дәрігері Астана әуежайында бомба туралы қалжыңдаймын деп жауапқа тартылды