Қайрат Боранбаев бостандыққа шығады

Қайрат Боранбаевтың жазасы бас бостандығын шектеуге ауыстырылды. Бұл туралы Ақмола облыстық сотының баспасөз қызметі хабарлады, деп хабарлайды Orda.kz.

Ведомствоның мәліметінше, сотталған кәсіпкер жаза мерзімінің үштен бірін және мемлекетке келтірілген шығынды толығымен өтеп, тергеумен белсенді түрде ынтымақтасты. Сот үкімі әлі заңды күшіне енген жоқ.

«Сот сотталушы «Б»-ның жазасын бас бостандығын шектеумен ауыстырды. Үкімді ауыстыру кезінде сот мынадай мән-жайларды ескерді: сотталған жазаның заңмен белгіленген 113-бөлігін (2 жыл 4 ай 5 күн) өтеген. Заң бойынша, кінәлі мемлекетке келтірілген залалды толығымен өтеп, тергеумен белсенді түрде ынтымақтасты және қамауда отырған кезінде жасаған ісіне өкініп,  жағымды жағынан танылды.Мекеме әкімшілігі тиісті құжаттарды ұсынып, өтінішті қолдады», - деді сот.

Айтпақшы, 14 қыркүйекте Қайрат Боранбаев мемлекетке 90 миллиард теңгенің мүлкін өз еркімен қайтарды. Оның ішінде мұнай кәсіпорыны, газ таратушы компания, қызмет көрсету кәсіпорны, қонақүйлер мен сауда-ойын-сауық кешендері, фитнес-орталықтардың желісі мен кеңсе ғимараттары бар. Ұзақ уақыт бойы кәсіпорындардың атауын ешкім жарияламады.

Бірақ осы аптада Қаржы мониторингі агенттігі кәсіпорындардың атауын ғана емес, олардың болжамды құнын да мәлімдеді. Бірақ бұл компаниялардың шын мәнінде қаншалықты тиімді екенін Orda.kz тілшісі анықтады.

Естеріңізге сала кетейік, наурызда Қайрат Боранбаев 8 жылға сотталған болатын. Ал қыркүйекте мерзімі 6 жылға дейін қысқарды.