Қадыровтың ұлы Құранды өртеп жіберген адамды соққыға жыққан соң тергеу басталды

Грозныйдағы №1 тергеу изоляторында Рамзан Қадыровтың ұлы Адам Никита Журавелді соққыға жыққан соң полиция тергеуді бастады.

Бұл прокуратура мен Тергеу комитетінің берген жауаптарынан белгілі болып отыр.

Baza telegram-арнасы алған құжаттарға сәйкес, тергеуді Грозныйдың Ахматов аудандық полиция бөлімінің қызметкерлері жүргізіп жатыр. 

Енді Адам Қадыровтың әрекетінде заң бұзушылықтардың болған-болмағанын билік шешуі керек. Тергеу барысы Шешенстан прокуратурасының бақылауында.

Еске салайық, өткен аптада Шешенстан басшысы Рамзан Қадыров баласының тергеу изоляторында Құранды өртегені үшін ұсталған Никита Журавелді ұрып-соғып жатқаны түсірілген видеоны желіде жариялаған болатын. Ресейдегі оқиғаға байланысты көптеген адамдар, соның ішінде қазіргі Ресей билігін жақтаушылар наразылық білдірді.

Адам Қадыровтың әрекетін негізінен Шешенстан тумалары қолдады.