Кадеттер арасындағы төбелестен кейін Павлодар кадет мектебінің директорына қатысты іс қозғалды

Павлодар облысының полиция департаменті мектеп директорына қатысты «салақтық» бойынша тергеу бастады.

Сотқа дейінгі тергеуге 16 мамырда болған жанжалға қатысушылар да тартылды.

«Павлодар кадет мектебіндегі бұзақылық фактісі бойынша тергеу басталды. Біз мән-жай мен себептерді анықтап жатырмыз, сараптама тағайындалды. Тергеу амалдарын жүргізіп жатырмыз»,- деді Павлодар облыстық ПД басшысының бірінші орынбасары Жасқайрат Қайыров.

Оның айтуынша, төбелеске қатысушылардың барлығы полиция бөліміне жеткізілген. Қазір тәртіп сақшылары олардың әрқайсысының рөлін белгілеп жатыр. Осыдан кейін олардың әрекетіне тиісті құқықтық баға беріледі.

Облыстық денсаулық сақтау басқармасының хабарлауынша, бір курсант әлі ауруханада жатыр, оны шығаруға дайындалып жатыр.

«Қабанбай батыр атындағы облыстық «Жас сарбаз» мамандандырылған мектеп-интернатынан жедел жәрдем көлігімен жеткізілген 2007 және 2008 жылы туған үш жасөспірім ауруханаға жатқызылды. Екеуі амбулаторлық емдеуге жіберілді, біреуі миы шайқалып, сүйек сынуы диагнозымен ауруханаға жатқызылды» деп толықтырды ведомстводан.