Кабулда шарасыз әйелдер сарбаздарға тікенек сым арқылы балаларын берді - видео

Әлеуметтік желілерде балаларын әскерге тапсырып, елден шығарып жіберуге тырысып жатқан Ауғанстан тұрғындарының видеосы жарияланды.

Бұл туралы Orda.kz хабарлады.

Әуежай маңындағы ауғандықтар Талибан режимінен қорқып, балаларын бейтаныс адамдарға беруге дайын.

– Шешелері шарасыздықтан, «баламды құтқарыңдар!» деп айқайлады. Олар балаларды бізге қарай лақтырды, кейбір балалар тікенек сымға құлап кетті. Өте қорқынышты көрініс. Кешке дейін барлық еркектер көздеріне жас алды, - деді әскерилердің бірі British Independent-ке.

Мұндай жағдай туралы басқа да басылымдар хабарлады. Оның бірі - Sky News.

Сонымен қатар, жергілікті БАҚ дүйсенбі күні әуежайдағы тәртіпсіздік кезінде жеті айлық сәбиінен айрылған ерлі-зайыптылар туралы айтқан.

A couple living in PD-5 #Kabul blame that their 7 Months Baby went missing from Kabul Airport yesterday during the chaos. Up to this instance they couldn’t find him. @AsvakaNews trying to help them find their baby through missing announcements on social media. pic.twitter.com/TDsJEXUXAR

— Aśvaka - آسواکا News Agency (@AsvakaNews) August 17, 2021

Еске салсақ, 16 тамызға қараған түні тәліптер соғыстың аяқталып, билікке келгендерін жариялаған.

Қазіргі уақытта Ауғанстанмен құрлықта шекаралас кедендер Талибандар бақылауында. Шетелдік қызметкерлер мен шетелдік миссияларда жұмыс істейтін ауғандықтарды эвакуациялау АҚШ пен НАТО-ның басқа да елдері өткізетін Кабулдағы жалғыз әуежай арқылы жүзеге асырылады.

Талибан - Қазақстан, Ресей және басқа мемлекеттерде қызметіне тыйым салынған террористік ұйым.