Кабинетінде есірткі шеккен шенеунік жұмыстан қуылды

Өзбекстандағы Әндіжан қалалық Кедейлікті азайту және жұмыспен қамту министрлігі бөлімінің басшысы жұмыс уақытында өз кабинетінде есірткі қолданғаны белгілі болды, деп хабарлайды Orda.kz

Өзбекстанның Әндіжан қалалық бөлімінің басшысы жұмыс орнында психотроптық зат қолданып жатқаны фотоға түсіп қалды. 

«Суреттегі адам шынында да Әндіжан қалалық бөлімінің басшысы екені расталды. Алайда бұл фотосуреттің қалай түсірілгені және нақты не болғаны жөнінде бізде әзірге толық ақпарат жоқ. Қазір жағдай зерттеліп жатыр», – деді басқарманың ақпарат қызметінің басшысы.

ІІМ баспасөз хатшысы Шохрух Гиясовтың хабарлауынша, бұл факт бойынша жедел-іздестіру шарасы жүргізілді. Ақыры суретте бейнеленген азаматтан 0,69 грамм гашиш тәркіленген. Сот-химиялық сараптама қорытындысына қарасақ, бұл зат есірткі деп танылған.