ҰҚК Жаңаөзенде арнайы операция жүргізді

Ұлттық қауіпсіздік комитеті «Бүркіт» арнайы жасағымен бірлесіп Жаңаөзенде арнайы операция жүргізді. Атыс қаруын дайындап, сатумен айналысқан күдіктілер ұсталды.

Арнайы операция 8 желтоқсанда өтті. Бұған дейін ҰҚК қызметкерлері олардан жасырын тексеру мақсатында  Макаров тапаншасын сатып алған. Ал содан кейін аталған қала тұрғыны Калашников автоматын сатпақ болған кезде қолға түсті.

«Сыбайластардың тұрғылықты жерін тінту кезінде аса ірі көлемдегі «Макаров» тапаншасы, екі шолақ мылтық, оқ-дәрілер, сондай-ақ аса ірі көлемдегі мефедрон мен апиын тәркіленді» деп хабарлады ҰҚК баспасөз қызметі.

Ұсталғандар кінәсін мойындады, олардың үшеуі қамауға алынды.

ҚР Қылмыстық кодексінің 287 (қаруды заңсыз өткізу және сақтау) және 297 (есірткі құралдарын заңсыз сақтау) баптары бойынша сотқа дейінгі тергеу амалдары жүргізілуде. Ұсталғандардың басқа да қылмыстарға қатыстылығы анықталуда.