ҰҚК төрағасы Қазақстанның жауынгерлік өнер қауымдастығын басқарды

Бүгін Нұр-Сұлтан қаласында Қазақстанның жауынгерлік өнер қауымдастығы құрылтайшыларының жалпы жиналысы өтті.

Жалпы жиналыстың шешімімен Қауымдастық президенті лауазымына Ермек Сағымбаев сайланды. Қауымдастықтың бірінші вице-президенті лауазымына Мәлік Мурзалин және вице-президенттер болып Берік Құнанбаев, Серік Жарасбаев және Сәрсен Құранбек сайланды.

Сондай-ақ, жиналыс барысында қауымдастық қызметінің стратегиялық мақсаттары мен бағыттары анықталып, тиісті жылға арналған жұмыс жоспары бекітілді.

2019 жылдың басында құрылған қауымдастықтың басты мақсаты - елімізде жауынгерлік өнерді дамыту, насихаттау және дәріптеу, өскелең ұрпақты спортпен айналысуға тарту, сондай-ақ олимпиадалық емес спорт түрлерінің имиджін көтеру.