Кәсіпкер Алмас Әбдіғаппаровқа қатысты тергеу аяқталды

Алматы қалалық ІІД бастығының орынбасары Рустам Әбдірахмановтың айтуынша  «Іс тараптардың қарауына беріліп, артынша кейін сотқа жолданған»

— Тергеу кезінде күдіктінің  кінәсі анықталды. Тергеу аяқталды. Тараптар іспен танысып жатыр. Танысу процесі аяқталған бойда қылмыстық іс сотқа жіберіледі, -деп жазды Әбдірахманов әлеуметтік желіде.

Parmigiano Group компаниясының директоры Алмас Әбдіғаппаровты өткен жылдың шілде айында полиция 420 миллион теңге жымқырды деген күдікпен ұстаған болатын.

Іс материалдарына сәйкес, әңгіме Есентай ситидегі 840 миллион теңгеге сатылған вилла туралы болып отыр. Әбдіғаппаровтың тапсырыс берушіден ақша алғаны іс материалдарында көрсетілген. Бірақ сатушы компанияның кассирі ақшаның жартысын ғана алған.

Алмас Әбдіғаппаровқа қатысты іс «AV Construction» ЖШС директоры Рауан Бабаевтың арызы бойынша қозғалған. Әбдіғаппаров  тергеу барысында қамауға алынды.

Ұсталған азаматтың әйелі Ольга Әбдіғаппарова полицияның қысым, бопсалау және рейдерлік әрекеттері туралы мәлімдеме жасады. Ол соңғы сұхбатында ел президентімен кездескенін, күйеуінің ісін Бас прокуратура бақылауға алғанын айтты.