«Көшпенділер елі» 2020 жылдың үздік фильмі атанды

Америка Құрама Штаттарының Ұлттық киносыншылар қоғамының хабарлауынша, Хлоя Чжаоның «Көшпенділер елі» («Земля кочевников») драмасы 2020 жылдың үздік фильмі болды, деп хабарлайды ОRDA. РИА Новостиге сілтеме жасап.

Los Angeles Times газетінің хабарлауынша, таспа басқа номинацияларда өзінің жеңіске жеткендігін растады. Чжао «Үздік режиссер» аталымы бойынша жеңімпаз атанды. Екі Оскардың жеңімпазы Фрэнсис Макдорман «Үздік әйел рөлі» номинациясымен марапатталды. Макдорман жұмыссыз Ферннің рөлін ойнады, ол ақша мен баспана іздеп фургонмен елді кезуге мәжбүр болған.

Хлое Чжаоның сценарийі Джессика Брудердің «Көшпенділер елі: ХХІ ғасырда Америкадан қалай аман қалу керек» кітабына негізделген.

Өткен қыркүйекте «Көшпенділер елі» Венеция кинофестивалінде «Алтын Арыстанды» жеңіп алды. Таспаның әлемдік премьерасы ақпанға жоспарланған.