ҰҚК шекара қызметінің ұшағы Алматы әуежайына жақын жерге құлады

Алматы әуежайы маңында ҰҚК шекара қызметінің ұшағы апатқа ұшырап, төрт адам қаза тапты.

— Шамамен 17.20-да Ан-26 ұшағымен байланыс үзілді. Алдын ала ақпарат бойынша, ұшақ шекара бөлімшелерінің біріне тиесілі және Нұр-Сұлтаннан Алматыға ұшқан, бортта алты адам болған. Біздің тиісті қызметтер оқиға орнына кетті, сонда жұмыс істеп жатыр. Әзірге рейстер кідірісі жоқ, деді Алматы әуежайының баспасөз қызметі.

Алматы денсаулық сақтау басқармасы ұшақтағы алты адамның төртеуі қаза тапты деп хабарлады. Екеуі Іле аймағындағы жақын ауруханаға жеткізілді.

 — Алматы әуежайында апатқа ұшыраған ұшақта қаза болған әскери қызметкерлердің туыстары мен жақындарына көңіл айтамын.Жарақат алғандардың тезірек сауығып кетуін тілеймін.Менің тапсырмам бойынша әуе апатының себептерін анықтау жұмыстары басталды.Бұндай оқыс оқиғалар қайталанбауыкерек, деп жазты Президент Қасым-Жомарт Тоқаев Twitter парақшасында.

Төтенше жағдайлар министрлігінің баспасөз қызметі  ұшақтағы өртті жойғанын хабарлады.

— 17.25-те Алматы әуежайының диспетчерлік қызметіне хабарлама келіп түсті.  17.22-де Ан-26 әскери ұшағы Нұр-Сұлтан – Алматы бағытында ұшқан әскери ұшақ  радардан жоғалып, Алматы әуежайына шұғыл қонғаны туралы ақпарат түсті», деп хабарлады Төтенше жағдайлар министрліігі.

Оқиға орнында құтқару қызметі мен жедел жәрдем бригадасы  жұмыс істеп жатыр.