ҰҚК шекара қызметінің бұрынғы басшысы Нұрлан Жоламанов босатылды

ҰҚК шекара қызметінің бұрынғы басшысы Нұрлан Жоламановтың  босатылғандығы  туралы Семей қаласының №2 сотының баспасөз қызметі хабарлады.

 «Семей қаласының № 2 соты азамат Д.-ның жазаны өтеуден шартты түрде мерзімінен бұрын босату туралы өтінішхаты бойынша оның заңда белгіленген жаза бөлігін өтегенін, жазасын өтеу кезінде өзін жақсы жағынан көрсеткенін ескерді. Процессуалдық шығындар, азаматтық сот үкімімен оның талап арызы жоқ, жазасын өтеу кезінде 19 сыйақысы бар, қамауда ұстаудың жеңілдетілген жағдайларына ауыстырылды. Ол мекемеде тәрбиелік іс-шараларға мен  қоғамдық өмірге белсенді қатысады, сондықтан оған жазасын толық өтеу қажет емес» деді соттың баспасөз қызметі.

2015 жылғы 6 наурызда Астана қаласының мамандандырылған ауданаралық әскери сотының үкімімен Жоламанов кінәлі деп танылып, мүлкі тәркіленіп, қатаң режимдегі түзеу колониясында өтеуге 11 жылға бас бостандығынан айрылды. Мерзім 2014 жылдың 27 қазанында басталып, 2025 жылдың 27 қазанында аяқталады.

Сотталушы шартты түрде мерзімінен бұрын босату туралы өтінішін қанағаттандыруды сұрағаны атап өтілді. Оның адвокаттары, мекеме өкілі және Семей қаласының прокуроры да сотталушының өтінішін қолдады.

Баспасөз қызметі оның себептері мен жазаға қатысты сот шешімін түсіндірді.

 «Сот азаматты шартты түрде мерзімінен бұрын босату туралы өтінішті қанағаттандыруды келесі себептерге байланысты қажет деп тапты. Жоғарғы Соттың 02.10.2015 жылғы «Жазаны өтеуден шартты түрде мерзімінен бұрын босату, жазаның өтелмеген бөлігін жазаның неғұрлым жеңіл түрімен ауыстыру және мерзімін қысқарту бойынша сот тәжірибесі туралы ...» нормативтік қаулысының 9-тармағына сәйкес , сондай-ақ сипаттамалық деректерді ескере отырып, сот оның түзелуіне оң өзгерістерді және жазаны одан әрі өтеу үшін негіздердің жоқтығын бағалады. Ол бірқатар ауыр сырқаттарды да ескерді. Сот актісі заңды күшіне енген жоқ» деп хабарлады Семей қаласының № 2 сотының баспасөз қызметі.