Кәрім Мәсімовтің інісі Қырғызстанға қашып кетті ме? ІІМ министрі жауап берді
Ішкі істер министрі Марат Ахметжанов Кәрім Мәсімовтің інісі Нұрлан Мәсімовке қатысты жаңа дерекпен бөлісті.
Марат Ахметжанов «Тиек» YouTube-арнасы жариялаған бейнесұхбатта Мәсімовке қатысты барлық сұраққа жауап берді.
Министр Ахметжанов Нұрлан Мәсімовтің Павлодар облысы полиция департаментінің басшысы ретінде білетінін айтты.
– Әрине танимын. Мен осы салада 30 жылдан бері жұмыс істеп жатырмын ғой. Прокуратура, сыбайлас жемқорлық саласында еңбек еттім. Нұрлан Мәсімовті департамент басшысы ретінде танитынмын. Қандай кісі екенін білмеймін. Жалпы департамент басшысы ретінде таныспын, – деді Марат Ахметжанов.
Министр Мәсімовтің інісіне қатысты тергеу амалдары бойынша жасыратын ештеңесі жоқ екенін жеткізді.
– Қазір бұл істі бірігіп жүргізіп жатырмыз. Оның ішінде ішкі қауіпсіздік қызметкерлері мен тергеу саласының мамандары бірігіп тергеп жатыр. Осы қылмыстық іс бойынша Павлодар облыстық ПД басшысының орынбасары ұсталған. Ол тергеу барысында бюджеттің қаржысын жымқырған деген күдікке ілінді. Осы тұрғыдан алғанда департаменттің бұрынғы басшысына да біраз сұрақтар бар, – деді Марат Ахметжанов.
Іздеуде жүрген Нұрлан Мәсімов шетелге шығып үлгермеген. Алайда оның нақты қай жерде екені белгісіз.
– Қайда жүргені белгілі болса ұсталады ғой. Қазір осыған байланысты іздеу амалдары жүріп жатыр. Ол Қазақстаннан шыққан жоқ. Біздегі дерек бойынша шекарадан шықпаған. Оны жедел іздестіру шаралары көрсетеді, – деді министр.
Еске салсақ, 20 сәуірде сот Павлодар облысы полиция департаментінің бұрынғы басшысы Нұрлан Мәсімовті сырттай қамауға алуға санкция берді.
«Павлодар облысы бойынша Сыбайлас жемқорлыққа қарсы қызметі Павлодар облысы полиция департаментінің экс-бастығы полиция генерал-майоры Нұрлан Мәсімовке қатысты аса ірі мөлшерде пара алды деген күдікпен сотқа дейінгі тергеуді бастады.
Қазіргі уақытта Нұрлан Мәсімовке іздеу жарияланды, іс бойынша оның орналасқан жерін анықтау үшін қажетті жедел-іздестіру іс-шаралары және істің барлық мән-жайларын анықтауға бағытталған басқа да тергеу іс-әрекеттері жүргізілуде.
Нұрлан Мәсімов пен ҰҚК-ның бұрынғы басшысы Кәрім Мәсімовтің әкелері бір-біріне аға-іні болып келеді.
Сонымен қатар, Қырғызстан шекарасынан өтпек болған Павлодар облыстық полиция департаментінің бұрынғы басшысы Нұрлан Мәсімов қамауға алынды деген хабар тараған болатын.
Жаңалықтар
- Банкроттыққа жүгінетін борышкерлер
- 2025 жылдан бастап кіріс туралы декларацияны жариялау міндетті болады
- Жалақының ЖІӨ-дегі үлесі талап етілетін 50 пайыздың небәрі 30 пайызын құрайды- Әшімбаев
- «Алатау» әлемдегі ең экологиялық таза және озық қала болады
- Музейлер түні 2024: Алматы мен Астананың толық бағдарламасы
- Бішкекте шетелдіктермен төбелес болып, мыңдаған адам көшеге шықты
- Құлсарыда су тасқынынан зардап шеккен тұрғындар үшін 150 үйдің құрылысы басталады
- Бектенов Тоқаевқа су тасқыны зардаптарын жою туралы баяндады
- Жыл басынан бері мемлекет пайдаланылмай жатқан 645 мың гектар жерді қайтарды
- Өнеркәсіп министрі депутаттармен және белсенділермен қайта өңдеу төлемі мәселесін талқылады
- Тоқаев «Халықтың көші-қоны және қылмыстық-атқару жүйесі туралы» заңға қол қойды
- Атырау облысы Мақат ауданының әкімі Ринат Ибрагимов мәлімдеме жасады
- Қазақстанда теократиялық жүйе орнатқысы келген 8 адам сотталды
- Қазақ тілін және ел тарихын білмейтіндер Қазақстан азаматтығынан шығарылады
- «Медеу» табиғи саябағындағы 35 гектар болатын 10 жер телімі мемлекетке қайтарылды
- «ҚазАвтоЖол» жол бойындағы сервисті дамытуға шақырады
- «Қазақфильм» жобалары мемлекет қаражатының 95 пайызын өтемейді
- Маңғыстау облысының жаңа әкімі таныстырылды
- Құлсарылықтарға Қаржы министрлігі көмектесе ме?
- 350 мың доллар пара беруге итермелеп, он жылға бас бостандығынан айырылды