Кәрім Мәсімов пен орынбасарларына қарсы бұлтартпау шарасы қолданылған

Ұлттық қауіпсіздік комитетінің бұрынғы төрағасы Кәрім Мәсімов пен оның орынбасарларына қатысты ақпарат жарияланды.

Шетелдік басылымдардың біріне Қазақстанның ҰКҚ қызметі Мәсімов пен Садықовқа қатысты күзетпен ұстау түріндегі бұлтартпау шарасы санкцияланғанын айтқан, ал Ерғожинге қатысты бұлтартпау шарасы әлі қарастырылып жатыр.

Қылмыстық іске материалдарына «өте құпия» деген белгі берілген. ҚР ҚІЖК-нің 201-бабына сәйкес сотқа дейінгі тергеп-тексеру деректері жария етуге жатпайды.

Сондай-ақ, ҰҚК қылмыстық іс ҚР ҚК-нің үш бабында көзделген қылмыс белгілері бойынша тергеліп жатқанын хабарлады.

Күдіктілерге мемлекетке опасыздық жасау және билікті күшпен басып алуға не Қазақстанның конституциялық құрылысын күштеп өзгертуге бағытталған әрекеттерден басқа, «билікті немесе лауазымдық өкілеттіктерін асыра пайдалану» деген айып тағылады.

Еске салайық, 8 қаңтар күні ҰҚК Кәрім Мәсімовтың мемлекетке опасыздық жасады деген күдікпен ұсталғанын хабарлаған болатын. ҰҚК экс-басшысымен бірге осы іс бойынша оның бұрынғы орынбасарлары да тергеліп жатыр, олар: «А» арнайы тағайындау қызметінің бастығы Әнуар Садықұлов пен Дәулет Ерғожин.

Айта кетейік, «А» арнайы мақсаттағы қызметі 2016 жылғы 22 қарашада президенттің жарлығымен құрылған.

Бөлімше аты аңызға айналған Қазақстан Республикасы ҰҚК «Арыстан» қызметінің құқықтық мирасқоры және Ұлттық қауіпсіздік комитетінің «жауынгерлік қанаты» саналады. Оның негізгі міндеті терроризмге қарсы күрес және ұлттық қауіпсіздік органдарының жедел іс-шараларын күшпен қолдау болып табылады.